Nacido en Lugo en1973. É funcionario da Xunta de Galicia dende 2002, administración na que exerceu diversos postos nas Consellerías de Educación e Ordenación Universitaria, Medio Rural, e Presidencia, Administracións Públicas e Xustiza. Colaborou con diversos medios de comunicación, actualmente con La Voz de Galicia e a Cadena SER. Confésase apaixonado polas grandes civilizacións, en especial, a romana e a celta, raíces da súa Galicia natal. Coa súa primeira novela, Las hijas del César, foi seleccionado entre os finalistas do Premio Planeta de Novela 2006, da que ata hoxe en día se publicaron cinco edicións, unha delas en galego. En 2010 ve a luz a súa segunda novela: Ladrones de historia, da que se publicaron dúas edicións e que actualmente se comercializa en formato dixital. Gañou diferentes premios de periodismo e poesía, e participou en numerosas publicacións e obras colectivas.